Հայ | Рус
Մուտք Գրանցվել
Med-Practic
 
Նվիրվում է վաստակաշատ ուսուցիչ Գրիգոր Շահյանին
Ծառայություններ Կազմակերպություններ Բժիշկներ Հիվանդություններ Դեղեր 03 Լուրեր Հրապարակումներ Տեսասրահ Կապ

Իրադարձություններ

Հայտարարություններ

Մեր հյուրն է

Հրատապ թեմա
 
ԱՐԱԳ ՈՐՈՆՄԱՆ ՀԱՄԱԿԱՐԳԵՐ
Մուտքագրել հայտարարություն

Խորագրեր

Գիտական բժշկությունԳիտական բժշկություն ՀիվանդություններՀիվանդություններ Ավանդական բժշկությունԱվանդական բժշկություն Առողջ ապրելակերպԱռողջ ապրելակերպ ԿոսմետոլոգիաԿոսմետոլոգիա Բժշկական իրավունքԲժշկական իրավունք Ալգորիթմեր, թեստերԱլգորիթմեր, թեստեր Թվեր, փաստեր, դեպքերԹվեր, փաստեր, դեպքեր Պատմական խրոնիկաՊատմական խրոնիկա ԱֆորիզմներԱֆորիզմներ Կարիերային սանդուղքովԿարիերային սանդուղքով ԵրեխաԵրեխա ԿինԿին ՏղամարդՏղամարդ Ռեյթինգային համակարգՌեյթինգային համակարգ

ՎԵՐՋԻՆ ՀՈԴՎԱԾՆԵՐԸ

Ի հիշատակ պրոֆեսոր Արտավազդ Սահակյանի
Ամանոր
Դենսիտոմետրիա. հաճախ տրվող հարցեր. Հեղինե Չոլոյան
ԵՊԲՀ. Էսթետիկ ներարկումներ. արդի միտումներ և անվտանգային հարցեր
ԵՊԲՀ. Բժիշկ-պացիենտ հարաբերություններից մինչև արհեստական բանականություն. հարցազրույց գերմանացի վիրաբույժի հետ
Բոլոր հոդվածները

Վերջին լուրերը

Նոր ճանապարհի սկիզբ. կայացավ Ապրելակերպի բժշկության ասոցիացիայի առաջին միջոցառումը
Գիտագործնական սեմինար «Վնասված պերիֆերիկ նյարդերի ժամանակակից դիագնոստիկայի և վիրաբուժական բուժման ակտուալ հարցերը» խորագրով
Հայկական բժշկական ասոցիացիայի հերթական խորհրդի նիստը նվիրված էր Առողջության համընդհանուր ապահովագրությանը
«Բուժում է Վարդանանցը» գրքի եռահատոր ժողովածուն ներկայացվեց հանրությանը
«Սլավմեդ»-ը Հայաստանում առաջինն է ներդրել ռոբոտային վիրաբուժության համակարգ
Բոլոր լուրերը

Հրատապ թեմա Հայաստանում

Լռությունը լուծում չէ

Այն ոտնահարում է մարդու իրավունքները: Զրոն պետք է գերակայի. զրո վարակման նոր դեպքեր, զրո խտրականություն, զրո մահվան դեպքեր։ Սա ՄԻԱՎ/ՁԻԱՀ-ի միացյալ ծրագրերի մոտեցումն է։ Դրա մասին բարձրաձայնվեց նաեւ երեկ՝ ՁԻԱՀ-ի դեմ պայքարի համաշխարհային օրվա ընթացքում այդ պայքարը խորհրդանշող կարմիր ժապավենակիրների կողմից։

«Այդ ուղղությամբ մենք մեր երկրում լայնածավալ աշխատանքներ ենք իրականացնում։ 2007թ. ՀՀ կառավարության կողմից հաստատվեց 2007-2011թթ. ՀՀ-ում ՄԻԱՎ/ՁԻԱՀ-ի հակազդման ազգային ծրագիրը։ Սրա շրջանակներում հանրապետության ողջ տարածքում իրականացվում են բազմաթիվ կանխարգելիչ նախաձեռնություններ», - երեկ հրավիրված մամուլի ասուլիսի ժամանակ ասաց ՀՀ առողջապահության փոխնախարար Տիգրան Սահակյանը։

«Ծրագրերի մշակման եւ դրանց իրագործման ժամանակ հաշվի չի առնվում, թե տվյալ վարակը Հայաստանում ինչ մասշտաբի է հասնում, վարակակիրների թիվը հուսահատեցնո՞ղ է, թե՞ ոչ։ Պայքարի ժամանակ այդ ամենը նշանակություն չունի։ Միեւնույնն է, ցանկացած դեպքում էլ պետք է հասնել ՄԻԱՎ/ՁԻԱՀ-ի կանխարգելմանն ու հակազդմանը»,-համոզված է ՀՀ ԱԺ առողջապահության, մայրության եւ մանկության հարցերի մշտական հանձնաժողովի նախագահ Արա Բաբլոյանը։

Հակազդման հարցում մեծ նշանակություն ունի մարդու իրավունքների պաշտպանությունը, խտրականության բացակայությունը, բուժման համընդհանուր հասանելիությունը, սոցիալական պաշտպանության ապահովումը։

Այս ամենին միտված ջանքերի շնորհիվ ՁԻԱՀ-ից զերծ սերունդ ունենալու նպատակն իրագործելի կլինի։ Իսկ ավելի ճիշտ, այն արդեն իսկ իրագործման ճանապարհին է։

«ՄԻԱՎ-ով վարակվածների թիվն աստիճանաբար պակասում է։ Միլիոնավոր մարդկանց համար հասանելի է դարձել դրա բուժումը։ Ներկայումս ավելի մեծ թվով կանայք ի զորու են պաշտպանելու իրենց երեխաներին ՄԻԱՎ-ով վարակվելուց։ ՄԻԱՎ-ով ապրող մարդկանց ճանապարհորդելու նկատմամբ սահմանված սահմանափակումները վերացվում են բազմաթիվ երկրների կողմից։ Հանձնառությամբ եւ համերաշխությամբ այս շարժումն օգնում է աշխարհին դուրս գալու ՁԻԱՀ-ի համաճարակի ճգնաժամից»,-ասված է ՄԱԿ-ի գլխավոր քարտուղար Բան Կի Մունի ուղերձում։

Ընդհանուր առմամբ՝ աշխարհում ՄԻԱՎ-ով վարակման նոր դեպքերի թիվը նվազում է։ 2009թ. ընթացքում մոտ 2,6 մլն մարդ է վարակվել, ինչը 20 տոկոսով պակաս է 1999թ. համեմատ, երբ արձանագրվեցին վարակման առավելագույն թվով դեպքերը եւ ՁԻԱՀ-ը վերածվեց գլոբալ համաճարակի։ Նվազել են նաեւ ՁԻԱՀ-ից մահվան դեպքերի թիվը։ Եթե 2004թ. այն կազմում էր 2,1 մլն, ապա 2009թ. արձանագրվել է մահվան 1.8 մլն դեպք։

2009թ. վերջին տվյալներով՝ աշխարհում ՄԻԱՎ-ով ապրող մարդկանց հաշվարկային թիվը 33,3 մլն է։ Վարակակիրների մոտ 58,4 տոկոսը 25-39 տարիքային խմբում է։

Մեր հանրապետությունում ՄԻԱՎ-ով ապրող մարդկանց հաշվարկային թիվը կազմում է 1900։ Այս վարակի դեպքերի առավելագույն թիվն արձանագրվել է մայրաքաղաք Երեւանում՝ 402 դեպք, որը բոլոր գրանցված դեպքերի 42,1 տոկոսն է։ Երկրորդ տեղում էլ Շիրակի մարզն է՝ 11,3 տոկոս։

Հիշյալ վարակի կանխարգելման եւ բուժօգնության ծառայությունների համար պետական ծախսերը (2009թ., 2010թ., 2011թ.) հասնում են 112.938,4 հազար դրամի։

Թեեւ «Իրական աշխարհ, իրական մարդիկ» ՀԿ-ի համանախագահ Հովհաննես Մադոյանը կարծում է, թե քանի դեռ այդ հիվանդակիրների ոլորտում կա լռություն, քանի դեռ նրանք վախենում են դիմել բժշկի, այդ ծախսերը մեծամասամբ անարդյունք են լինելու. «Այս խնդիրների մասին խոսում ենք տարվա մեջ 1 կամ 2 անգամ՝ մոռանալով թմրամոլներին, մարմնավաճառներին։ Իսկ այդ լռությունն արդեն իսկ մարդու իրավունքների խախտում է, որոնք պաշտպանել է պետք»։

«Այսօր, առանց իրավունքների պաշտպանության եւ արժանապատվության, բուժման եւ աջակցության մասին խոսք լինել չի կարող», - շեշտեց ՄԱԿ-ի ՄԻԱՎ/ՁԻԱՀ-ի միացյալ ծրագրի հարավկովկասյան ղեկավար Մանուելա Գրոզդանովան՝ հույս հայտնելով, որ կյանքի ինչ-որ փուլում կապրեն առանց վարակի սերունդներ։

Դրան հասնելու համար ՄԱԿ-ի մշտական համակարգող Դաֆինա Գերչեւան էլ կոչ արեց ստեղծել մի միջավայր, որտեղ, խտրականության բացակայության պայմաններում, ձերբազատվելով ամոթի զգացումից, վարակակիրները կկարողանան հաղթահարել այդ հիվանդությունը։

03.12.2010
Հեղինակ. Թամարա ՄՈՒՐԱԴՅԱՆ
Սկզբնաղբյուր. hhpress.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ

Լուրեր Ծառայություններ Գիտական բժշկություն Երեխա Թվեր, փաստեր, դեպքեր Իրադարձություններ Կազմակերպություններ Հիվանդություններ Կին Աֆորիզմներ Հրապարակումներ Բժիշկներ Ավանդական բժշկություն Տղամարդ Տեսասրահ Հայտարարություններ Հիվանդություններ Առողջ ապրելակերպ Կոսմետոլոգիա Ուղարկել բացիկ Հրատապ թեմա Դեղեր Բժշկական իրավունք Ալգորիթմեր, թեստեր Կապ Մեր հյուրն է Առաջին օգնություն Պատմական խրոնիկա Կարիերային սանդուղքով
Բոլոր իրավունքները պաշտպանված են © 2026, Med-Practic
Կայքը պատրաստվել է ՎԵԲ Օպտիմա ՍՊԸ կողմից